Skýrslur sýna að fyrir utan sólböð er vinsælast hjá ferðamönnum að versla. Stöðug aukning er í Costa Blanca héraðinu á verslunarmiðstöðvum sem selja þekktar merkjavörur og í raun er hægt að finna þar hvað sem er undir sólinni.
Götumarkaðir njóta vinsælda hjá ferðamönnum og á hverjum degi er að minnsta kosti einn markaður opinn í nágrenni við dvalarstað þinn. Þeir sem leitast við að gera góð kaup kunna vel við sig á þessum iðandi og skemmtilegu mörkuðum. Bestu kaupin eru í ávöxtum og grænmeti, leðurvörum, leirvörum og blúndum. Ekki gleyma að prútta - það þykir sjálfsagt á spænskum mörkuðum og þú móðgar engan með því og það er líka bráðskemmtilegt.