Altea er gimsteinn Miðjarðarhafsins, ólík hinum iðandi stórborgum, byggð í fögrum fjallahlíðum sem speglast í bláum haffletinum og þar hefur alls staðar verið tekið fullt tillit til umhverfisins.
Fegurð Altea er alls staðar. Mjó stræti sem fanga hug ljósmyndara og listamanna. Litbrigði sjávarins með sín óteljandi blæbrigði af bláum og grænum beinlínis biðja um að vera túlkuð á striga.
Skammt frá borginni má sjá Sierra Bernia fjöllin sem liggja í sjó fram og enda í tilkomumiklum tindum. Í Altea er hrífandi að fara í gönguferðir eða hvíla sig á einum af hinum fjölmörgu veitingastöðum þessarar fallegu sjávarborgar.