Costa Almería hefur þangað til nýlega verið mjög afskekkt. Þetta sést vel á stórum óræktuðum svæðum og litlum óspilltum fiskiþorpum sem á sumum öðrum stöðum hefur verið breytt í ferðamannasvæði. Með bættum vegasamgöngum og góðu flugvallasambandi getur Costa Almeria nú boðið upp á eina fegurstu og óspilltustu ströndina á svæðinu.
Fasteignaverð hefur hækkað stöðugt undanfarin ár og með aukinni fjárfestingu hefur þjónusta batnað, en vöxturinn hefur verið takmarkaður svo þeir sem eiga eignir eða fjárfesta í þeim á svæðinu geta búist við að verðið haldi áfram að hækka.
Loftslagið í Costa Almería er einstakt. Mikið af ávöxtum og grænmeti í verslunum er frá Costa Almería. Sólskinsdagar eru 320 á ári og meðalhitinn er um 19 stig. Þarna er svo sannarlega hægt að sleppa við veturinn.
Norðan við Costa Almería eru skíðasvæðin í Sierra Nevada. Þar er snjór frá nóvember og fram í mars. Þú gætir farið á skíði að morgninum og slappað svo af á ströndinni seinni partinn. Fyrir þá sem vilja erfiða svolítið meira er hægt að fara á einhvern af mörgum golfvöllum á svæðinu eða stunda einhvers konar vatnaíþróttir.
Cabo de Gato er þjóðgarður Almeríu. Þar er að finna margar óspilltar baðstrendur og lítil þorp. Þar eru sannkölluð rólegheit.