Samkvæmt lögum í Tyrklandi er skylt að aka hægra megin á vegum og þeir sem koma hægra megin frá eiga ávallt réttinn. Akstur hér er stundum einkennilegur og nauðsynlegt er að gæta sín vel, því ekki er alltaf farið nákvæmlega eftir reglum. Hámarkshraði er 90 kílómetrar á klukkustund á þjóðvegum og 50 kílómetrar í bæjum.
Ef þú ætlar að fá þér bílaleigubíl í Tyrklandi þarftu að taka með þér ökuskírteinið, annars færðu ekki bílinn. Ef þú ert með nýlegt ökuskírteini ætti ekki að vera nauðsynlegt að hafa alþjóðlegt ökuskírteini þó auðvitað sé ekki verra að hafa það.